كتبت دنيا ضاحي
فتح محمود عبد الرازق «شيكابالا»، قائد الزمالك السابق، النار على مجلس إدارة النادي، منتقدًا طريقة إدارة ملف الفريق والقرارات الخاصة برحيل اللاعبين، وموجهًا انتقادات حادة للمجلس.
وقال شيكابالا: «مجلس الإدارة بيفضّي الفرقة والإدارة بتضحك على الجمهور، هو أنا ينفع أنزل بيان أقول اللاعب مش للبيع وبعدها بكام أسبوع يتباع؟».
وأضاف: «الناس دي ما تعرفش قيمة النادي، وعلشان هما آخر سنة ليهم عايزين يلموا أي فلوس دفعوها قبل ما يمشوا».
وتابع قائد الزمالك السابق: «والله العظيم الناس اللي في المجلس دي مش أمينة على الزمالك ولا تعرف قيمته».
وأعلن شيكابالا تأييده لفكرة تأسيس شركة لكرة القدم، معتبرًا أنها قد تكون حلًا لإدارة قطاع الكرة بالنادي، قائلًا: «أنا مع شركة الكورة، لإن ده الحل الوحيد اللي هينقذ النادي، لإننا ملناش حظ في مجالس الإدارات».
واختتم تصريحاته قائلًا: «عايزين حد ييجي يدفع فلوس فيبقى خايف على فلوسه ويشتغل صح».